.jpeg)
.jpeg)
๐๐ข๐ฌ๐-๐๐ซ๐๐ณ๐ข๐๐๐ง๐ญ๐ ๐๐ง๐ค๐จ๐ซ๐๐ฃ๐ & ๐
๐จฬ ๐๐ซ๐ข๐๐ง๐ญ๐๐ฌ๐๐ฎ๐ง ๐๐๐ซ๐ฏ๐ข๐ฌ๐ฎ ๐๐ ๐๐ค๐ข๐ฉ๐ ๐๐๐, ๐.๐ ๐๐จ๐ฏ๐๐ฅ๐ข๐ฆ๐
๐๐จ๐ฏ๐๐ฅ๐ข๐ฆ๐, ๐๐ ๐๐๐ง๐๐ข๐ซ๐ฎ ๐๐๐๐. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith, akompaña hosi Diretór DOM, Aleixo dos Santos, Diretór DAF, Sidónio Freitas, Jestór DAK no Ofisiál Legál, hala'o enkontru ho Koordenadór inklui funsionáriu BTL, E.P Munisípiu Covalima, iha sala reuniaun BTL, E.P Covalima.
Durante iha enkontru ne’e, Vise-Prezidente KE BTL, E.P ba Asuntu Tékniku, orienta tékniku sira, atu rezolve sistema kanalizasaun bee, atu nune’e bele garante nafatin fornesimentu bee moos ba konsumidór sira nomos kontinua servisu, hodi espande tan sistema bee ba komunidade sira ne’ebé seidauk asesu ba bee moos, nune’e bele aumenta konsumidór/kliente, hodi hasa’e reseitas.
Vise-Prezidente KE BTL, E.P ba Asuntu Tékniku husu ba Koordenadór no funsionáriu sira, atu servisu ho responsabilidade hodi serví komunidade sira, liuhosi setór bee
“Ita simu knaar ne’e, atu halo servisu ho fuan ho laran, hodi fornese bee ba komunidade sira labele haree liu ba diferensa opinion, maibé tenke hamutuk hanoin ida de’it, hodi fó kontribuisaun ba BTL, E.P hodi rezolve komunidade nia preokupasaun kona-bá bee moos, tanba ne’e, tenke fiar malu, koopera malu no hanoin ida de’it, hodi hadi’a prestasaun servisu, nune’e bele hasa’e reseitas”.
Iha fatin hanesan, Diretór DAF solisita ba Koordenadór no funsionáriu sira, ne’ebé destakadu iha Munisípiu Covalima, atu nafatin servisu hamutuk no servisu maka’as liu tan, hodi hadi’a sistema bee, liu-liu ba ekipa DAK nian, atu aproxima ho komunidade sira, hodi rejista ba ligasaun foun bauma kain sira, nune’e bele aumenta kliente no hasa’e reseita BTL, E.P nian.
Nune'e mos Diretór DOM destake kona-bá servisu téknika nian no husu ba tékniku operadór sira, atu hakaas-aan hodi halo servisu operasaun no manutensaun, liu-liu atu mellora sistema tuan sira iha Covalima, nune’e komunidade sira bele hetan bee moos ho di’ak, nune’e hodi arrekada reseita ho di’ak.
Fahe ba Sosial Media:
