Díli, 27/01/2025, Hafoin remata iha suku Bemori, Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, Sr. José Filipe Ximenes Smith ho ekipa kontinua observa tékniku operadór zona 5 halo servisu manutensaun kanu distribuisaun ne’ebé estragu, iha área Dembata-Besi, Lahane Orientál.
Iha vizita ne’e, Ezekutivu BTL, E.P enkoraja tékniku operadór sira atu kuidadu-aan durante halo servisu iha terrenu no husu ba sira atu kontinua halo servisu ne’e to’o finaliza no rezolve uluk estragu ne’ebé iha, molok hakat fali ba fatin seluk, atu nune’e bele responde lalais ba kliente sira-nia preokupasaun kona-bá problema falta bee moos.
Kanu distribuisaun ne’e ku’ak/estragu, nune’e rezulta bee sulin estraga no afeta ba presaun bee kiik, maibé ohin tékniku sira halo ona intervensaun no rezolve ona estragus ne’e. Enkuantu kanu refere, mak durante ne’e, hodi fornese bee ba konsumidór sira iha área Alto PM nian
Fahe ba Sosial Media:
