𝐃𝐢́𝐥𝐢, 𝟏𝟖 𝐌𝐚𝐫𝐬𝐮 𝟐𝟎𝟐𝟔. Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith ho Vise-Prezidente KE BTL, E.P ba Asuntu Korporativu, Manuel Tomas Amaral de Carvalho, akompaña hosi Diretór O&M BTL, E.P, Aleixo dos Santos observa sistema bomba ne’ebé lokaliza iha aldeia Has-Laran, suku Camea.
Ohin, observasaun ba daruak nian, hodi ko’alia mos ho rai na’in, oinsá bele autoriza, atu halo lutu protesaun haleu iha estasaun bomba refere nomos haree tékniku sira mobiliza no prepara materiál, hodi halo 𝑝𝑢𝑚𝑝𝑖𝑛𝑔 𝑡𝑒𝑠𝑡 ba sistema perfurasaun ne’e.
Servisu 𝑝𝑢𝑚𝑝𝑖𝑛𝑔 𝑡𝑒𝑠𝑡 ba perfurasaun ne’e, sei hala’o durante oras 24 nia laran, hodi haree kualidade no débitu bee, molok halo kanalizasaun.
Tuir planu, hafoin 𝑝𝑢𝑚𝑝𝑖𝑛𝑔 𝑡𝑒𝑠𝑡, BTL, E.P sei prepara atu kanaliza bee moos ba komunidade sira, iha área Has-Laran, Camea.
Remata iha Camea, Ezekutivu BTL, E.P ho Diretór O&M kontinua observa estasaun bomba iha Maufelo Becora. Tanba fatin painel kontrolu iha estasaun refere, afeta direta hosi projetu alargamentu estrada.
Ho kestaun ne’e, BTL, E.P planea ona atu muda fatin painel kontrolu nian, nune’e hodi garante nafatin abastesimentu bee moos ba komsumidór sira ne’ebé durante ne’e asesu bee hosi sistema perfurasaun Maufelo.
Fahe ba Sosial Media:
