饾悆饾悽虂饾惀饾悽, 饾煆饾煑 饾悏饾悮饾惂饾悶饾悽饾惈饾惍 饾煇饾煄饾煇饾煍. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith ho Vise-Prezidente KE BTL, E.P ba Asuntu Korporativu, Manuel Tomas Amaral de Carvalho akompaña hosi Jestór Operasaun & Manutensaun (OM), Jestór Infraestrutura ho Enjeñeiru DEI observa direta kanu distribuisaun bee ne’ebé afeta hosi projetu alargamentu estrada, iha Becora/Auhun.
Kanu kanalizasaun ne’ebé kotu ne’e, kauza hosi kompañia ne’ebé kaer obra alargamentu estrada mak ke’e rai, hodi kona kanu, nune’e rezulta liña distribuisaun kotu, hodi afeta fornesimentu bee moos ba konsumidór sira ne’ebé durante ne’e asesu bee hosi kanu refere.
Maibé ho observasaun Ezekutivu nian, ohin iha terrenu, koordena ona ho ekipa Ministériu Obras Públikas (MOP) nian nomos kompañia no orienta tékniku BTL, E.P nian, atu halo intervensaun ba estragu refere, nune’e bele normaliza hikas abastesimentu bee moos ba komunidade sira.
Enkuantu liña distribuisaun refere mak durante ne’e, hodi kanaliza bee hosi estasaun bomba Temporal hafoin distribui direta ou bypass ba konsumidór sira iha área Becora no Camea nian.
Tanba ne'e, BTL, E.P nafatin informa ba konsumidór sira, atu kolabora no pasiénsia hodi hein intervensaun ba kanu estragu ne'e, hafoin finaliza mak foin bele fornese fila-fali bee ba komunidade sira.
Fahe ba Sosial Media:
