Díli, 15/02/2023, Tékniku Operadór (TO) Bee Timor-Leste, Empreza Públika (BTL, E.P) Zona 11 hamutuk ho Empregadór sira halo melloramentu ba kanu distribuisaun bee, iha aldeia Mota Kiik, suku Hera, postu-administrativu Cristo Rei, munisípiu Díli.
Durante atividade melloramentu ne'e, tékniku operadór hamutuk ho empregadór sira ke’e rai ho distánsia metru 60 hodi hasai liña distribuisaun PE 32 hodi troka fila-fali ho PE 50.
Razaun troka liña distribuisaun ne'e, tanba media kanu ne’ebé la sufisiente ba futuru ho aumentu númeru utilizasaun bee hosi kanu distribuisaun refere, alende ne’e mos daudaun ne’e, kliente uma kain 20 resin ne'ebé uza metru kontadór, mak asesu ona bee hosi liña distribuisaun ne’e rasik, nune'e presiza troka hodi garante utilizasaun bee iha futuru, wainhira númeru konsumidór aumenta.
Entretantu atividade melloramentu ne’e seidauk finaliza, tanba ne’e ohin tékniku sira sei kontinua no daudaun ne’e sira iha ona terrenu, hodi halo servisu melloramentu ba liña distribuisaun bee ne’e.
Fahe ba Sosial Media:
