Díli, 11/01/2023, Jestór operasaun no manutensaun, akompaña ekipa tékniku operadór zona 4, ne’ebé reforsa servisu husi tékniku operadór zona 2 no zona 6-9, hodi hadi’a pipe distribuisaun PVC DN 150 no PVC DN 100 kuak, iha área Aitarak Laran.
EKipa tékniku operadór identifika, tamba pipe distribuisaun kuak, rezulta bee sulin sai ba Estrada leten, nune’e ohin matrugada tuku 5:00 ekipa konjunta ne’e iha ona terrenu hodi halo intervensaun.
Hafoin kee rai hodi identifika pipe distribuisaun kuak ne’e, hadi’a ka taka ona kuak, bee la’o normal hikas ona, nune’e sei garante nafatin distribuisaun bee ba konsumidór sira tuir orariu, ne’eb’e estabele ona.
Sistema pipe distribuisaun PVC DN 150 no PVC DN 100, durante ne’e distribui bee ba komunidade sira hela iha área hanesan Palpasu, Faról, Mandarin no Bidau Lecidere.
Tékniku BTL, E.P servisu iha terrenu ne’e, hetan vizita mos husi ekipa parseiru JICA, hodi hare ka observa direita ba tékniku sira hadi’a pipe distribuisaun PVC DN 150 no PVC DN 100 iha área refere.
Fahe ba Sosial Media:
