Aileu, 04/01/2023, Tékniku Opreadór (TO), Bee Timor-Leste, Empreza Públika (BTL, E.P) munisípiu Aileu normaliza liña distribuisaun bee GS DN 50, iha área Hularema, munisípiu Aileu.
Tuir informasaun hosi Terrenu katak, kanu distribuisaun ne’e kois, tanba ai tohar kona kanu refere, nune’e rezulta bee sulin estraga iha fatin ne’e, hodi prejudika mos presaun bee ba komunidade sira.
Koordenadór BTL, E.P Aileu informa, hafoin identifikasaun tékniku operadór sira konsege normaliza. Iha atividade normalizasaun ne’e, tékniku sira mos ke’e rai, hodi hakoi kanu ne’ebé sira hadi’a ona, nune’e ba oin labele hetan estragus hosi dezastre naturais, atu nun’ee bele garante nafatin abastesimentu bee ba komunidade sira.
Alende ne’e, iha loron hanesan ekipa BTL, E.P seluk, kontinua atividade lee metru kontadór ne’ebé instala ona iha kliente sira nia hela fatin. Servisu lee metru kontadór ne’e, hanesan atividade mensál, ne’ebé kada fulan leitór sira tenke tun ba terrenu, hodi lee metru kontadór, hodi informa ba kliente sira bele hahú selu ba fulan ida nian.
Fahe ba Sosial Media:
