Díli, 24/01/2023, Tékniku Operadór (TO) Bee Timor-Leste, Empreza Públika (BTL, E.P) Zona I, halo reparasaun ba kanu distribuisaun ne’ebé ku’ak, ne’ebé lokaliza iha aldeia Moris Foun A, suku Comoro, postu-administrativu Dom Aleixo, munisípiu Díli.
Tékniku sira informa, kanu ne’ebé estragus ne’e, kauza hosi kompañia lokál balun ne’ebé ke’e hela valeta iha área refere, hodi rezulta kanu ku’ak, nune’e halo bee sulin estraga iha fatin ne’e, durante loron rua ou tolu, nune’e prejudika mos presaun bee menos no bee ba komunidade sira kiik, nune’e abitanten balun hato’o informasaun ba TO BTL, E.P no sira tun kedas ba terrenu hodi halo identifikasaun ba sistema sira.
Durante iha terrenu tékniku sira identifika katak, iha kanu distribuisaun ne’ebé ku’ak, nune’e tékniku operadór sira halo kedas intervensaun, hodi garante abastesimentu bee ba komunidade sira.
Hafoin finaliza servisu manutensaun ne’e, presaun bee di’ak no bele distribui hikas ba konsumidór sira. No daudaun ne’e, tékniku sira akompaña hela servisu ke’e valeta, nune’e wainhira kompañia ke’e kona kanu distribuisaun bee, tékniku sira diretamente halo kedas intervensaun.
Fahe ba Sosial Media:
