Díli, 29/12/2022, Ekipa Bee Timor-Leste, Empreza Públika (BTL, E.P) Zona 4 no hetan apoiu hosi ekipa Zona 6-9 ohin finaliza servisu manutensaun ba kanu distribuisaun bee 8”, iha área Villa Verde, postu-administrativu Vera Cruz, munisípiu Díli.
Tuir informasaun hosi terrenu katak, tékniku sira identifika kanu distribuisaun iha parte konektór mak boraxa dodok, tanba tuan ona, nune’e rezulta bee sulin estraga iha fatin refere, nune’e hamenus presaun bee ba komunidade sira.
Hafoin identifikasaun, tékniku sira hosi Zona 4 no 6-9 halo kedas intervensaun, hodi hadi’a kanu refere, hodi garante distribuisaun bee ba komunidade sira. Enkuantu servisu manutensaun ba kanu distribuisaun ne’e hala’o durante loron haat no ohin konsege finaliza servisu manutensaun ba kanu distribuisaun ne’e.
Kanu distribuisaun ne’e mak durante ne’e, hodi distribui bee ba komunidade sira ne’ebé hela iha área Villa Verde, Colmera no Caicoli.
Fahe ba Sosial Media:
