Ermera, 13/02/2023, Tékniku Operadór (TO) Bee Timor-Leste, Empreza Públika (BTL, E.P) munisípiu Ermera, normaliza liña transmisaun bee 6" ne'ebé kotu iha pontu neen, iha área Plomer, ne'ebé lokaliza iha aldeia Gomhei, suku Riheu, munisípiu Ermera.
Servisu manutensaun ne'e, hala'o durante loron tolu no ohin mak foin finaliza, tanba udan no anin boot, nune'e prejudika servisu iha terrenu, hodi labele finaliza ho lalais, maske udan no anin boot, maibé tékniku operadór sira hamutuk ho Ofisiál Juniór Apoiu Kliente no Ofisiál FA nafatin esforsu, hodi hadi'a kanu transmisaun ne'e no konsege rezolve estragus refere.
Hafoin normaliza liña transmisaun hirak ne'e, sirkulasaun bee ba rezervatóriu ETA Riheu la'o di'ak no bele fornese hikas bee ba komunidade sira iha Gleno, Ermera.
Fahe ba Sosial Media:
