Ermera, 12/02/2023, Tékniku Operadór (TO) Bee Timor-Leste, Empreza Públika (BTL, E.P) munisípiu Ermera, ohin kontinua halo manutensaun ba liña transmisaun bee 6" ne'ebé kotu iha pontu neen, iha área Plomer, ne'ebé lokaliza iha aldeia Gomhei, suku Riheu, munisípiu Ermera.
Liña transmisaun 6" lolon neen mak kotu, iha pontu neen, kauza hosi Dezastre Naturais hanesan udan no anin provoka ai tohar hodi rezulta kanu kotu nune'e afeta direta ba fornesimentu bee ba konsumidór sira iha Gleno.
Hafoin identifika estragus ne'e, maske udan maibé tékniku sira mobiliza materiál, tun ba terrenu hodi halo intervensaun, maske tékniku operadór sira halo servisu manutensaun ne'e durante loron rua ona, maibé seidauk bele finaliza, tanba udan boot nune'e prejudika servisu fíziku iha terrenu.
Ho nune'e, tuir planu aban tékniku operadór sira sei kontinua halo servisu manutensaun ba liña transmisaun refere.
Fahe ba Sosial Media:
