Bobonaro, 15/02/2023, Tékniku Opreadór (TO), hosi O&M Bee Timor-Leste, Empreza Públika (BTL, E.P) munisípiu Bobonaro kontinua halo intervensaun imediatu ba liña transmisaun bee matan Lugululi Colégio, ne’ebé hetan estragus hosi dezastre naturais.
Teniku sira identifika liña transmisaun ne’e hetan estragus, kauza hosi dezastre natural, hanesan udan halo rai monu ou rai halai, ne’ebé sei afeta direta ba liña refere no bele perturba mos distribuisaun bee. Tanba ne’e, tékniku sira mobiliza materiál tun ba terrenu, hodi halo intervensaun ba liña transmisaun ne’e.
Daudaun ne’e, servisu intervensaun ne’e seidauk finaliza, tanba udan boot nune’e perturba servisu téknik nian iha terrenu, tanba ne’e hafoin udan para mak t’ekniku operadór sira foin bele kontinua hikas servisu refere. Alende ne’e, tuir informasaun katak rai mos kontinua monu iha fatin refere.
Ho dezastre naturais ne’ebé akontese ne’e, afeta direta ba liña transmisaun ne’e, hodi perturba mos atividade distribuisaun bee ba rezervatóriu Ritabou no Raifun, nune'e mos fornese bee ba konsumidór sira, iha Maliana Villa.
Fahe ba Sosial Media:
