Manatuto, 05/10/2022, Tékniku Operadór no Apoiu Kliente, Bee Timor-Leste, Empreza Públika (BTL, E.P), lee metru kontadór bee, ne’ebé instala iha kliente sira-nia hela fatin, ne’ebé lokaliza iha Zona 4 no Zona 5, iha postu-administrativu Manatuto Villa. No kliente hirak ne’e mak durante ne’e, asesu ona bee ne’ebé kanaliza hosi BTL, E.P.
Hafoin leitór sira lee hotu, informa fila-fali ba kliente sira hodi bá halo pagamentu iha edifísiu BTL, E.P nian. No kustu ba tarifa bee ne’ebé mak leitór sira hato’o ba kliente sira ne’e, tuir nesesidade uzu bee lor-loron nian.
Entretantu tarifa bee ne’ebé mak kliente sira selu ne’e, hodi hatama ba kofre Estadu nune’e mos hodi garante nia sustentabilidade ba manutensaun sistema bee nian.
Fahe ba Sosial Media:
