Díli, 09/11/2022, Tékniku Operadór (T.O) Bee Timor-Leste, Empreza Públika (BTL, E.P) Zona 5 hamutuk ho estajiáriu UNTL no CNFP Becora halo melloramentu ba kanu distribuisaun bee PE 32 NOD, iha área Lahane Ocidental, postu-administrativu Vera Cruz, munisípiu Díli.
Iha imajen ne’ebé hatudu katak, tékniku operadór Zona 5 ho estajiáriu sira hala’o servisu hanesan ke’e rai, ho distánsia kuaze metru 800, hodi hakoi liña distribuisaun polly PE 32 NOD ne’ebé liga ba koléjiu Santo Aquino (ICR) iha área Lahane Ocidental.
Tuir informasaun hosi terrenu katak, ohin ekipa rua ne’e (tékniku no estajáriu) sei kontinua hala’o atividade ke’e rai, hodi hakoi liña distribuisaun hirak ne’e no tuir planu aban mak foin finaliza atividade refere, tamba ho distánsia ne’ebé dook.
Tékniku mos informa katak, hafoin atividade melloramentu ne’e remata, sei kontinua instala mos metru kontadór ba iha fatin refere, nune’e bele halo kontrolu ba uzu bee lor-loron nian, nune’e labele estraga bee.
Fahe ba Sosial Media:
