Díli, 24/11/2022, ekipa tékniku operadór BTL, E.P zona 3, kontinua halo servisu hodi taka Poly PE 40 mm, ne’ebé installa ona tuir estrada ninin, iha Aldeia Fomento 2, Suku Comoro.
Ekipa tékniku operadór 3, hetan apoiu husi empregador nain rua, hodi servisu iha ida ne’e, atu asegura poly PE 40 mm, nune’e kareta hala’i ba mai sama labele hetan estragu. Progresu servisu dadaun ne’e, atinji ona 85%, tamba ne’e iha tempu badak sei finaliza obra refere.
Ekipa tékniku operadór halo intervensaun ida ne’e, tamba tinan barak komunidade sira, hela iha área refere, maioria halo ligasaun ilegál ne’e, la tuir padraun, ne’ebé kontribui hodi reduz presaun bee, labele to’o ba ema seluk.
Wainhira tékniku operadór remata servisu, ekipa BTL, E.P liu husi diresaun operasaun no manutensaun no parte Jurídiku BTL, E.P, sei hala’o atividade desiminasaun informasaun dekreitu lei, diploma ministéria BTL, E.P nian ba komunidade sira, atu iha koñesimentu, nune’e tékniku zona 3 bele halo ligasaun bee foun ba kada uma kain.
Fahe ba Sosial Media:
