Manufahi, 22/10/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Manufahi hadi’a kanu distribuisaun bee DN 150 no DN 100 ne’ebé tohar, iha Merbuti, postu-administrativu Same, munisípiu Manufahi.
Tuir informasaun hosi BTL, E.P Manufahi katak kanu distribuisaun ne’ebé estragu ne’e, tamba ai tohar kona, nune’e fó impaktu ba liña distribuisaun ne’e, hodi prejudika ba distribuisaun bee ba konsumidór, nune’e Koordenadór orienta tékniku sira hodi halo kedas intervensaun ba estragu refere, hodi garante fornesimentu bee ba komunidade sira n’ebeé asesu bee hosi kanu distribuisaun ne’e.
Informasaun hosi terrenu katak, Ai ne'ebé ema seluk mak tá hodi harii rin eletrisidade atu dada ba Rotuto, nune’e Ai tohar hanehan kanu distribuisaun, la’ós parte BTL, E.P mak tá Ai refere no BTL, E.P husu apoia Bombeiros, hodi tesi Ai ne’ebé tohar hanehan kanu distribuisaun bee ne’e, hodi muda hosi liña distribuisaun, nune’e tékniku sira bele halo manutensaun ba kanu tohar ne’e, hodi garante fornesimentu bee ba komunidade sira.
Iha atividade manutensaun ne’e, BTL, E.P munisípiu Manufahi mos husu apoiu hosi Bombeiros, hodi tesi ne’ebé tohar hanesan kanu distribuisaun refere. Hafoin ne’e, tékniku sira konsege troka kanu ida maibé kanu DN 150 mak la konsege Giboult Joint (asesóriu ou materiál) ne’ebé hodi tutan pipe laiha, nune’e labele troka.
Entretantu provizoriamente ba daudaun ne’e, tékniku sira utiliza nafatin kanu refere, hodi distribui bee ba komunidade sira, maske bee ba komunidade sira ho presaun ne’ebé kiik, maibé iha tempu badak, tékniku sira sei esforsu hodi halo manutensaun ba kanu refere, nune’e bele garante bee ba kliente sira.
Fahe ba Sosial Media:
