Manufahi, 03/11/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Manufahi kontinua halo melloramentu ba kanu distribuisaun bee, iha área Akadiru-hun ne’ebé lokaliza iha aldeia Rialau, suku Letefoho, postu-administrativu Same, munisípiu Manufahi.
Tuir informasaun hosi BTL, E.P Manufahi katak, liña distribuisaun bee ne’e nakonu ho anin, nune’e prejudika distribuisaun bee, tamba tuir tékniku sira katak wainhira anin nakonu, bee la sai no tenke hasai anin hosi kanu distribuisaun refere, tamba ne’e, Koordenadór orienta tékniku operadór sira hodi soe ou hasai anin, nune’e bele garante abastesimentu bee ba komunidade sira.
Koordenadór informa, hafoin tékniku sira normaliza tiha, daudaun ne’e sirkulasaun bee hosi kanu distribuisaun ne’e la’o normál hikas no bele fornese fila-fali bee ba komunidade sira, iha suku Letefoho.
Fahe ba Sosial Media:
