Ataúro, 26/09/2022, Iha loron 25 fulan Setembru tinan 2022 ne’e, Bee Timor-Leste, Empreza Públika (BTL, E.P) selebra ezisténsia BTL, E.P nian ba dala rua.
Iha selebrasaun aniversáriu BTL, E.P nian ba dala rua ne’e, Prezidente Komisaun Ezekutiva (K.E) Bee Timor-Leste, Empreza Públika (BTL, E.P) Eng. Carlos Peloi dos Reis, akompaña hosi I Vise-Prezidente K.E BTL, E.P, Sr. Gustavo da Cruz, II Vise-Prezidente K.E BTL, E.P, Sra. Elizabeth Amaral, hamutuk ho Diretór, Jestór, Koordenadór hosi munisípiu seluk no funsionáriu sira, antes ne’e, iha loron 24 fulan Setembru tinan ne’e, dezloka ba Ataúro, hodi selebra ezisténsia BTL, E.P nian ho asaun karidade, ne’ebé realiza iha suku Maumeta, munisípiu Ataúro.
Selebrasaun aniversáriu BTL, E.P nian ba dala rua ne’e, Ezekutivu BTL, E.P nian deside, hodi realiza iha munisípiu Ataúro ho atividade asaun karidade, hanesan fahe nesesidade bázika ba komunidade sira ne’ebé konsidera hanesan vulnerável, iha suku Maumeta, munisípiu refere.
Ezekutivu sira dezide, hodi selebra loron ezisténsia empreza publika ne’e, iha munisípiu Ataúro, tamba alende selebrasaun aniversáriu BTL, E.P nian, iha biban ne’e mos, halo lansamentu ba projetu melloramentu sistema bee moos, iha munisípiu Ataúro.
Fahe ba Sosial Media:
