Díli, 06/03/2025, Bee Timor-Leste, Empreza Públika (BTL, E.P) ho parseiru Japan International Cooperation Agency (JICA) realiza Project Progress Meeting kona-bá ‘’The Project for Improvement of Water Supply Management of BTL, E.P’’. PP Meeting ne’e realiza iha salaun enkontru, BTL, E.P sentrál, Caicoli.
Iha Project Progress Meeting ne’e, partisipa direta hosi Prezidente Komisaun Ezekutiva (KE) BTL, E.P, Sr. Gustavo da Cruz, Vise-Prezidente KE BTL, E.P ba Asuntu Tékniku, Sr. José Filipe Ximenes Smith, Vise-Prezidente KE BTL, E.P ba Asuntu Korporativu, Sr. Manuel Tomás Amaral de Carvalho, ne’ebé akompaña hosi Diretór Enjeñaria no Investimentu (DEI) Diretór Administrasaun no Finansas (DAF), Diretór Operasaun no Manutensaun (DOM) Jestór DAK no Ofisiál Rekursu Umanu BTL, E.P nian no ekipa JICA.
Objetivu hosi Project Progress Meeting ne’e, hodi atualiza progresu servisu hirak ne’ebé implementa ona durante ne’e, liuhosi kooperasaun servisu entre BTL, E.P no parseiru JICA, kona-bá monitorizasaun ba projetu no progresu hosi projetu sira. Liu-liu servisu iha parte Apoiu Kliente nian, ne’ebé rejista kliente liuhosi sistema IMS, atualizasaun númeru resibu no leitura ba metru kontadór sira nomos iha parte O&M nian mak atualizasaun servisu distribuisaun bee hosi projetu pilotu ne’ebé implementa iha aldeia Lemocari, Lecibutak no Mundo Perdido, suku Manleuana. inklui partilla opiniaun kona-bá problema sira ne’ebé mak akontese, atu nune’e bele hetan resposta no planu sira ba iha tinan futuru.
Iha Project Progress Meeting ne'e, iha mos aprezentasaun hosi JICA no BTL, E.P kona-bá Progress of Project liu-liu liga ba “Improvement of Revenue Collection Capacity”, “Improvement of Distribution Management Capacity” no “Recommendation”. Nune’e mos hafoin aprezentasaun fó mos biban ba Ezekutivu BTL, E.P nian nomos partisipante sira seluk hodi hato’o perguntas, sujestaun no rekomendasaun ruma relasiona ho aprezentasaun ba asuntu ne’ebé mensiona iha leten, hodi hetan feedback, nune’e bele hadi’a prestasaun servisu di’ak liu tan iha futuru.
Fahe ba Sosial Media:
