Aileu,10,Abril,2026. Prezidente Komisaun Ezekutiva (KE) BTL, E.P, Gustavo da Cruz partisipa iha enkontru forum dalan ba poder lokal ne’ebe organiza husi Autoridade Munisipiu Aileu ho Tema : Hamutuk iha Vizaun ba Objetivu Komun no Reforsa Kolaborasaun entre Aileu-Anan ba Poder Lokal".
Governu Timor-Leste kontinua halo esforsu atu implementa dezentralizasaun administrativa territorial (Poder Lokal) ho objetivu atu hakbesik liu servisu públiku ba populasaun no asegura dezenvolvimentu lokál mak inkluzivu no sustentável.
Forum ida ne'e propoin hodi fó espasu ba diálogu konstrutivu entre veteranu sira, igreja, grupu intelektual Aileu-anan iha nasionál no munisipiu, kámara komérsiu no industria (setor privadu munisípái), partidu politiku, juventude, organizasaun sosiedade sivil, organizasaun feto, ema ho defisiensia, líder komunitáriu no reprezentante autoridade munisipal no membru-governu Aileu-oan tomak.
Objetivu mak atu hamutuk prepara komunidade Aileu ba dezenvolvimentu poder lokal ne'ebé transparente, inkluzivu, responsável no sustentável.
Fahe ba Sosial Media:
