Díli, 10/03/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz, partisipa iha enkontru konjunta Misaun Programa Nasionál ADB nian no Misaun Revizaun Portfólio Nasionál, ne’ebé realiza iha salaun auditóriu, Ministériu Finansas, Aitarak-Laran.
Objetivu hosi reuniaun konjunta kona-bá Country Programming Mission (CPM) ne’e, hodi avalia dezafiu, oportunidade no prioridade ba dezenvolvimentu TL nian no Country Portfolio Review Mission (CPRM) atu avalia dezempeñu jerál programa ADB nian iha nasaun ne’e, inklui projetu sira ne’ebé konklui ona nomos projetu sira ne’ebé la’o hela (ongoing), diálogu polítiku no asisténsia téknika.
Reuniaun ne’e abertura hosi Ministra Finansas no partisipa hosi empreza públika balun nomos ministériu relevante sira seluk.
Fahe ba Sosial Media:
