Baucau, 27/03/2025, Prezidente Komisaun Ezekutiva, Bee Timor-Leste, Empreza Públika, Sr. Gustavo da Cruz, partisipa iha serimónia lansamentu ba hatuur fatuk dá-huluk Ponte Dalasa, ne’ebé lokaliza iha Suku Samalari, Postu Administrativu Baguia.
Iha diskursu, S.E Ministru Obras Públikas, Samuel Marçal, husu ba autoridade lokál no komunidade sira hotu, atu kontribui no kolabora, nune’e obra ida ne’e, bele finaliza tuir termu kontratu, ne’ebé estabelese ona.
“Ha’u fiar populasaun sira iha postu administrativu Baguia, bele sai ezemplar ba postu no munisípiu seluk, tamba sei la halo impedimentu ba dezenvolvimentu ba prosesu konstrusaun ponte ne’e”.
Governante ne’e afirma katak, durante tinan barak, komunidade sira preokupa los, tamba atu ultrapassa iha tempu udan difisil, maibé ho lansamentu ba konstrusaun ponte ida ne’e remata, sei fasilita komunidade sira, bele hala’o movimentu.
Iha biban ne’e, Autoridade lokál sira, hato’o agradesimentu ba governu, tamba bele responde ona komunidade sira nia preokupasaun durante ne’e.
Fahe ba Sosial Media:
