Viqueque, 19/07/2025, Prezidente Komisaun Ezekutiva, Bee Timor-Leste, Empreza Públika (BTL, E.P), Sr. Gustavo da Cruz, partisipa serimónia lansamentu ba projetu konstrusaun Ponte, lokaliza iha área Sana, Pertense ba Postu Administrativu Uatulari, Munisípiu Viqueque.
Serimónia ne’e, lansa direita hosi S.E Ministru Obras Públikas, Samuel Marçal, akompaña hosi S.E Ministru Agrikultura, Pekuária, Pesca no Florestas, Marcos da Cruz ho komitiva no hamutuk ho Autoridade lokál no komunidade sira.
Projetu konstrusaun ida ne’e ho durasaun hamutuk fulan 8 no orsamentu finansia ba obra ne’e, ho montante $ 3,175,321.63.
Durante ne’e, abitante sira preokupa atu ultrapassa no lori produtu lokál hodi asesu ba merkadu, tamba iha tempu udan labele hakat liu mota refere, maibé ohin momentu di’ak, lansa ona projetu ida ne’e, hodi fo biban kompañia manan nain, atu hahu halo servisu. Wainhira obra ne’e finaliza sei fasilita populasaun sira, bele lori produtu lokál asesu ba merkadu.
Fahe ba Sosial Media:
