Díli, 29/02/2024, Prezidente Komisaun Ezekutiva BTL, E.P, Rng. Carlos Peloi dos Reis, partisipa iha konvokatóriu reuniaun dá-huluk ba membru konsellu konsultivu iha ministériu obras públika, enkontru ne’e, realiza iha Timor Plaza.
Reuaniun ne’e, lidera husi Ministru Obras Públika, Samuel Marçal, akompaña husi Vise-Ministru Infraestrutura, Júlio do Carmo, Sekretária Estadu Eletrisidade Bee & Saneamentu no marka prejensa husi Diretór Jerál, Asesor, Prezidente BTL, E.P, Prezidente EDTL, E.P, Prezidente IGEADE, I.P no mos ekipa balun husi diresaun.
Reuaniaun dá-huluk ho membru konsellu konsultivu ida ne’e, importante tebes, atu bele fo oportunidade ba direjente sira, relata dezafiu no obstakulu durante halo servisu, nune’e bele halo diskusaun kle’an, hodi fo solusaun di’ak ba kestaun hirak ne’e.
Iha okaziaun ne’e, Ministru Obras Públika hatete, Ministériu Obras Públika maka nu’udar makina estadu ida forte, hodi dudu nasaun ne’e ba oin, liu husi prosesu dezenvolvimentu.
“ ita sira ne’e nia responsabilidade direita ba povu nia sentimentu, tamba ne’e ita halo di’ak povu hamrik basa liman, maibé ita halo aat, povu sei lakon konfiansa ba ita. Tamba ne’e makai ta sei iha oportunidade atu servisu, ita hotu servisu hamutuk, hodi hadi’a nasaun no povu nia moris”.
Fahe ba Sosial Media:
