Díli, 09/08/2024, Prezidente Komisaun Ezekutiva BTL, E.P, Eng. Carlos Peloi dos Reis, partisipa iha lansamentu ba produtu peskiza husi parseiru ONG sira, ne’ebé hetan apoia hosi parseiru internasional USAID iha Timor-Leste, atu halo Advokasia ba atividade boa governasaun nian, atividade lansamentu no aprezentasaun ba relatóriu hosi rezultadu peskiza ne’e, hala’o iha Salaun City 8.
Iha okaziaun ne’e, Prezidente KE BTL, E.P, hato’o agradese ba parseiru dezenvolvimentu sira hotu-hotu no liu-liu USAID iha Timor-Leste, ne’ebé apoia ona ONG sira, hodi halo peskiza ba asuntu importante hanesan, bee, agrikultura no sira seluk. USAID nia prezensa iha Timor-Leste laos foin apoia ne’e, maibé governu amerikanu liu hosi USAID, ajuda timor-leste iha área barak hanesan lori servisu bazíku bee no saneamentu ba komunidade sira.
“Ha’u mos hakarak agradese ba NGO sira hotu, sira la’os apoia BTL, E.P liu hosi advokasia ka halo peskiza maibé kontinua mos fo hanoin ba BTL, E.P, oinsa ita bele mellora sistema bee no saneamentu di’ak liu tan, nune’e bele lori servisu hirak ne’e ba too iha komunidade sira”.
Iha biban ne’e, Ezekutivu, partilla mos Papel BTL, E.P, ne’ebé governu orienta atu ezekuta servisu ne’e iha pontu tolu importante maka hanesan, halo melloramentu ba sistema bee ezistente, hodi funsiona ka operasionaliza durante 24 horas, hodi fornese bee ba komunidade sira . Além de ne’e BTL, E.P mospromove projetu bee moos, ba postu iha territóriu nasionál, ho politíka BTL, E.P nian atu liberta uluk postu, maka foin espanda ba iha Suku no Aldeia.
Ikus liu, governu orienta ba BTL, E.P, nu’udar Empreza Públiku ida, nesesariu duni, atu arrekada reseita ba kofre estadu, liu hosi kontribuisaun komunidade nian, ne’ebé asesu bee, hodi selu tarifa bee moos.
Peskiza hirak ne’e, maka involve hosi ONG hamutuk sia maka hanesan, Asosiasaun Defisiensia Timor-Leste, Belun, CBR Network, JSMP, FHTL, FONTIL, MAHON, MDI no PROSPEK.
Fahe ba Sosial Media:
