Manatuto, 02/08/2025, Prezidente Komisaun Ezekutiva, Bee Timor-Leste, Empreza Públika (BTL, E.P), partisipa serimónia lansamentu fatuk-dá-huluk ba ponte lamara, ne’ebé lokaliza iha suku umaboku, postu administrativu Natarbora, munisípiu Manatuto.
S.E Primeiru-Ministru, Kay Rala Xanana Gusmão, akompaña hosi S.E Ministru Obras Públikas, Samuel Marçal no komitiva tomak lansa ponte lamara, hodi fasilita transporte públiku, privada no populasaun sira, bele ultrapassa mota refere, iha tempu udan.
Xefe governu, husu komunidade Natarbora serbisu ho laran ho dedikasaun tomak ba rai ne'e tanba ninia benefísiu mai ba duni povu, hodi fasilita movimentu komunidade.
"Ami husu mós ba kompañia Shandon Hejian ami hotu hein ponte ne'e halo kualidade ho tempu badak, ami hotu hein imi-nia esforsu".
Relasiona ho projetu kontrusaun ponte lamara ne’e, S.E Miistru Obras Públikas, asina kontratu ho kompañia iha terrenu, ne’ebé sasin hosi S.E Primeiru Ministru no membru governu sira seluk. Tuir planu kompañia sei mobiliza ekipamentu iha fulan ne’e, hosi hahu servisu ona. Durasaun tinan ida ho totál orsamentu $4.605.887,73. Ponte nia naruk metru 100 no luan 7 metru.
Fahe ba Sosial Media:
