Díli, 03/10/2023, Prezidente Komisaun Ezekutiva BTL, E.P, Eng. Carlos Peloi dos Reis, partisipa iha enkontru entre liña ministeriál, ne’ebé organiza husi Sekretária Estadu Eletrisidade, Água no Saneamentu, reuniaun ne’e rasik hala’o iha Salaun Enkontru SEEAS, Caicoli.
Iha sorumutu ne’e, Lidera husi Sekretária Estadu Eletrisidade, Água no Saneamentu, Santos Noranha, Sekretária Estadu ba Asuntu Toponímia no Organizasaun Urbana, Germano Santa Brites Dias, ne’ebé partisipa husi ministériu no Instituisaun relevante sira hanesan, BTL, E.P, IGEADE, I.P, Terras Propriedades, Protesaun Sivil, Autoridade Munisípiu Díli no Autoridade PNTL Munisípiu Díli, hodi halo kordenasaun servisu, lilu-liu atu halo intervensaun urjente ba Drenagen no Valeta iha kapitál Díli.
Ekipa husi Sekretária Estadu Eletrisidade, Água no Saneamentu identifika ona área risku hanesan Mota lima hanesan Comoro, Lahane ba Kuluhun, Bidau Santana, Benamauk no Becusse, ne’ebé ekipa konjunta, sei halo intervensaun hamoos drenagen, nune’e udan monu rai, labele akontese tan inundasaun.
Liña ministeriál ne’e, sei fahe tarefa servisu ba ida-idak nian, hodi labele fo risku ba komunidade sira, ne’ebé hela besik mota no foho.
Fahe ba Sosial Media:
