Díli, 27/02/2025, Prezidente Komisaun Ezekutiva, Bee Timor-Leste, Empreza Públika, Sr. Gustavo da Cruz, sai oradór ba diálogu públiku ho tema “ Oinsa Garante Fornesimentu Bee Moos no Saneamentu ba Komunidade sira iha Territóriu Nasionál”, diálogu ne’e organiza hosi Plataforma Nasionál Bee, Saneamentu no Ijiene Timor-Leste (PN-BESI-TL), ne’eb’e realiza iha Salaun HAK, Farol.
Prezidente Komisaun Ezekutiva Bee Timor-Leste, Empreza Públika, agradese ba parseiru PN-BESI TL, tamba bele halo monitorizasaun ka halo auditoria sosiál, kona-bá deskobrementu sira, hodi bele atualiza fali ba governu, liu-liu BTL, E.P.
Iha intervensaun ne’e, Ezekutivu mos hatete, diálogu ne’e importante tebes, tamba bele iha espasu hodi partilla informasaun bam alu, oinsa bele halo servisu di’ak liu tan, hodi servi povu ho nasionál to’o iha baze.
Papel sosiedade sivil, ajuda tebes governu, tamba dala barak governu la konsege kobertura ba komunidade sira nia leet, maibé liu hosi parseiru sira nia apoia, bele fo hanoin ba governu, atu bele tau matan ba komunidade sira, ne’ebé seidauk asesu ba nesesidade baziku sira hanesan bee no saneamentu.
Partisipa iha diálogu públiku ne’e, marka prezensa hosi parseiru NGO, Autoridade lokál, Parseiru Internasional no partisipante sira seluk.
Fahe ba Sosial Media:
