Liquiça, 10/03/2023, Hafoin remata atividade lansamentu ba projetu Melloramentu kona-bá Jestaun Aterru Kontroladu iha Tibar, Prezidente Komisaun Ezekutiva (KE) Bee Timor-Leste, Empreza Públika (BTL, E.P), Eng. Carlos Peloi dos Reis, hamutuk ho Prezidente ANAS, I.P, Eng. Domingos Pinto ho ekipa kontinua hala’o vizita ba Estasaun Tratamentu Bee Foer (ETAR, sigla portugés) iha Tibar.
Objetivu hosi vizita ne’e, hodi observa direta servisu ne’ebé tékniku sira halo iha Tratamentu ETAR no hodi haree mos kondisaun infraestrutura sira iha Estasaun ne’e.
Durante iha vizita ne’e, Ezekutivu BTL, E.P orienta ba tékniku sira, hodi halo servisu ho di’ak no kuidadu, liu-liu iha prosesu tratamentu nian katak, tenke halo tratamentu tuir faze pur faze (padraun) ne’ebé eziste, nune’e labele fó impaktu ba ambiente, animál akuátiku (riku soin iha tasi-laran) no saúde públika.
Estasaun Tratamentu ida ne’e mak hodi fasilita kompañia sira ne’ebé durante ne’e xupa sentina hodi bá fakar iha fatin ne’e, hodi halo tratamentu molok soe ba tasi.
Fahe ba Sosial Media:
