Díli, 14/08/2025, Prezidente Komisaun Ezekutiva, Bee Timor-Leste, Empreza Públika (BTL, E.P), Sr. Gustavo da Cruz, akompaña hosi PMU MOP/BTL, E.P ho ekipa BTL, E.P, hodi hala’o enkontru kordenasaun ho Prezidente Autoridade Portuáriu Timor-Leste (APORTIL), José de Oliveira Leong ho ekipa, reuniaun ne’e, realiza iha Salaun Enkontru, APORTIL.
Iha sorumutu ne’e, Ezekutivu BTL, E.P informa kona-bá projetu D4, ne’ebé maka sei reabilita drenajen área Caicoli, parte postu Polisia iha edifísiu PCIC nian, sei konstrui hodi halo medada luan to’o iha tasi ibun Portu Díli.
BTL, E.P halo kordenasaun ida ne’e, tamba sei hadi’a iha Portu Díli. Nune’e mos kordena hodi nune’e servisu prosesu la’o, atividade iha Portu Díli labele realiza, atu fo biban ba BTL, E.P aselera ba konstrusaun drenajen ida ne’e fanaliza lalais.
Hafoin rona informasaun hirak ne’e, Prezidente APORTIL, I.P hatete, sei kolabora servisu hamutuk, hodi halo mudansa ba drenajen ida ne’e, atu bele antisipa ba inundasaun iha área Caicoli no fo seguru ba populasaun sira, ne’eb’e hela iha área Caicoli.
Fahe ba Sosial Media:
