Díli, 22/08/2025, Prezidente Komisaun Ezekutiva, Bee Timor-Leste, Empreza Públika (BTL, E.P), Sr. Gustavo da Cruz, akompaña hosi PMU MOP/BTL, E.P ho ekipa BTL, E.P, hodi hala’o enkontru kordenasaun ho S.E Ministru Transporte no Komunikasaun, Miguel Marques Gonçalves Manetelu, reuniaun ne’e, hala’o Ministériu Transporte no Komunikasaun.
Iha sorumutu ne’e, Prezidente KE BTL, E.P, atu halo kordenasaun servisu liga ho projetu D4, ne’ebé maka sei reabilita drenajen área Caicoli, parte postu Polisia iha edifísiu PCIC nian, sei konstrui hodi alarga alarga drenajen ne’e ba metru haat (4m), to’o iha tasi ibun Portu Díli.
BTL, E.P halo audensia ho S.E Ministru Transporte no Komunikasaun, hodi halo kordenasaun servisu ida ne’e, tamba projetu ne’e implementa iha terrenu, sei afeta mos ba movimentasaun transporte públiku no privada no mos ba liña operadór tolu hanesan, Timor Telekom, Telemor no Telekomsel, ne’ebé maka installa fiu iha área refere.
Relasiona ho projetu ne’e, S.E Ministru Transporte no Komunikasaun hatete, ba dezenvolvimentu persija apoia malu no kolabora hamutuk, hodi hadi’a sidade díli, liu-liu drenajen iha área caicoli, ne’ebé identifikadu atu reabilita.
Tuir membru governu ne’e katak, projetu implementasaun ne’e, sei bele benefisia ba komunidade sira, ne’ebé hela iha Caicoli, tamba drenajen ida ne’e, sei kontribui, oinsa bele minimiza inundasaun iha tempu udan.
“Ha’u husu ba BTL, E.P no parte tékniku sira, wainhira hahu ona servisu ida ne’e, persija duni atu halo kordenasaun diariamente, nune’e iha momentu projetu ne’e la’o, labele iha interupsaun ruma”.
Fahe ba Sosial Media:
