Díli, 17/09/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), hala’o enkontru ho Koordenadór PMU/MOP Bee no Saneamentu no ekipa, iha sala reuniaun Ezekutivu BTL, E.P, Caicoli.
Reuniaun ne’e, parte PMU/MOP Bee no Saneamentu nian aprezenta planu, orsamentu nomos TOR ne’ebé mak prepara ona, ligadu ho planu ba ezekusaun projetu estudu DED ba kaptasaun rua, hanesan kaptasaun Fatisi no Bemos II ne’ebé hodi kanaliza bee mai kapitál Díli, intake rua, pipa transmisaun no WTP foun ida.
Nomos aprezentasaun daruak nian kona-bá alternativu rekursu bee, iha Wenunuk, mota Loihuno no spring Loihuno inklui mota Kuha, ne’ebé sei sai fontes ou rekursu ba futuru konstrusaun projetu bee moos iha munisípiu Viqueque nian.
Ekipa PMU/MOP Bee no Saneamentu halo aprezentasaun ne’e, atu BTL, E.P bele akompaña no haree, molok aprezenta ba S.E Ministru Obras Públikas (MOP), hodi hetan desizaun.
Fahe ba Sosial Media:
