Díli, 21/08/2025, Prezidente Komisaun Ezekutiva, Bee Timor-Leste, Empreza Públika (BTL, E.P), Sr. Gustavo da Cruz, simu audensia hosi ekipa JICA iha Timor-Leste, atividade reuniaun ne’e, realiza iha Salaun Ezekutivu, Caicoli.
Objetivu hosi reuniaun ne’e, JICA aprezenta tékniku ida, ne’ebé maka sei fo asistensia ba BTL, E.P, hodi mellora servisu operasaun no manitensaun BTL, E.P, liu-liu iha área produsaun, distribuisaun no apoia kliente.
Ho prezensa JICa nian ba apoia asistensia tékniku ne’e, Prezidente KE BTL, E.P, agradese tebes ba JICA, tamba iha prontidaun no vontade tomak kontinua fó asistensia ba BTL, E.P, atu dezenvolve di’ak liu tan, iha setór bee no saneamentu.
“Agradese tamba bele kontinua fo asisteénsia tékniku, ha’u apresia tebes, ho apoia JICA nian, tamba iha parte tékniku, ne’ebé maka BTL, E.P persija duni hodi nune’e bele ajuda tékniku no engiñeiru sira, hodi halo servisu tuir matadalan operasional ho di’ak”.
Parseiru JICa iha kompremitidu, hodi apoia governu timor-leste, liu hosi BTL, E.P, atu hadi’a di’ak liu tan, kualidade operasaun, manutensaun no mos atendimentu ba públiku.
Fahe ba Sosial Media:
