Díli, 22/07/2025, Prezidente Komisaun Ezekutiva, Bee Timor-Leste, Empreza Públika (BTL, E.P), Sr. Gustavo da Cruz, akompaña S.E Ministru Obras Públikas, Samuel Marçal, enkontru ho ekipa Banku Mundiál iha Timor-Leste, reuniaun ne’e rasik, realiza iha MOP, Caicoli.
Objetivu prinsipál hosi sorumutu ne’e, ekipa Banku Mundiál no Autoridade Finanseira (AFC) hala’o vizita kortezia, hodi aprezenta an ba S.E Ministru Obras Públikas ho ekipa.
Iha enkontru ne’e, Banku Mundiál relata oituan, kona-bá progresu sira, liu-liu liga ba projetu infraestrutura sira, ne’ebé maka Banku Mundiál, investe iha estrada no setór bee. Investimentu ne’e, estrada dadaun ne’e, la’o hela iha progresu no bee maka kansela on aba projetu bee iha Díli no Baucau, maibé Banku Mundiál sei servisu hamutuk ho governu Timor-Leste, atu hare fila fali, hodi halo estudu viabilidade profunda ba rekursu bee, atu hare ba faze tuir mai.
Iha biban ne’e mos Banku Mundiál informa katak, iha ona alokasaun orsamentu, hosi Banku Mundiál tau ba rejiaun sira hotu, iha ne’ebé Timor-Leste mos hetan pakote hosi fundu ne’e rasik, maibé Banku Mundiál sei halo diskusaun klean ho governu liu hosi ministériu Finanças, kona-b’a alokasaun orsamentu refere.
Fahe ba Sosial Media:
