Díli, 01/09/2025, Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz, enkontru ho Koordenadór Bee no Saneamentu hosi PARTIDIPA/DFAT, Sr. Ali, iha Prezidente nia knaar fatin, Caicoli.
Enkontru ne’e, hodi kumprimenta no halo despedida ho Ezekutivu nomos parte BTL, E.P hato’o agradesimentu ba Koordenadór Bee no Saneamentu hosi PARTIDIPA/DFAT nian, ba kooperasaun servisu no apoia tomak durante hala’o misaun tinan barak, iha Timor-Leste, kontribui servisu lubuk ida ba Governu TL, liu-liu iha setór bee no saneamentu nian, hahú kedas iha tempu DGAS nian to’o mai iha BTL, E.P.
Ezekutivu BTL, E.P hatete, Sr. Ali nia misaun remata hodi fila-fali ba Austrália. Misaun remata iha kontestu volume servisu nian ne’ebé reduz, nune’e Sr. Ali sei hala’o servisu iha Austrália no nafatin fó apoiu ba PARTIDIPA/DFAT iha TL, maibé wainhira servisu ne’ebé nesesáriu liu mak Sr. Ali sei mai direta iha TL.
Prezidente destake mos servisu hamutuk entre setór bee ho PARTIDIPA/DFAT nian durante ne’e no apoia ne’ebé espesiál liu, mak iha momentu kalamidade 4 abril nian, esforsu PARTIDIPA/DFAT nian ne’ebé tulun BTL, E.P, hodi halo atendimentu ba populasaun sira.
Molok atu fahe malu, Ezekutivu BTL, E.P tara mos tais ba Koordenadór Bee no Saneamentu hosi PARTIDIPA/DFAT, hanesan símbolu amizade no agradesimentu ba Sr. Ali nia kontribuisaun durante servisu hamutuk iha setór bee no saneamentu nian.
Fahe ba Sosial Media:
