Díli, 06/11/2024. Prezidente Konsellu Administrasaun (KA) no Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz akompaña S.E Ministru Obras Públikas (MOP), Sr. Samuel Marçal, partisipa diskusaun, loron dahuluk, faze jeneralidade, proposta lei nú. 12/VI/(2ª), Orsamentu Jerál Estadu (OJE) ba tinan 2025 nian, iha sala plenária, Parlamentu Nasionál (PN).
Orsamentu ne’ebé Governu propoin iha OJE tinan 2025 nian, ho totál dollar amerikanu billaun 2.6 (billaun 2,617).
IX Governu Konstitusionál aprezenta Proposta Lei OJE tinan 2025, ba PN ho tema “𝐼𝑛𝑣𝑒𝑠𝑡𝑖𝑚𝑒𝑛𝑡𝑢 𝑖ℎ𝑎 𝐼𝑛𝑓𝑟𝑎𝑒𝑠𝑡𝑟𝑢𝑡𝑢𝑟𝑎𝑠 𝐸𝑠𝑡𝑟𝑎𝑡𝑒́𝑗𝑖𝑘𝑎𝑠, 𝑅𝑒𝑓𝑜𝑟𝑠𝑢 𝑖ℎ𝑎 𝐸𝑘𝑜𝑛𝑜𝑚𝑖𝑎 𝑛𝑜 𝑀𝑒𝑙𝑙𝑜𝑟𝑖𝑎 𝐵𝑒𝑚-𝐸𝑠𝑡𝑎𝑟 𝑆𝑖𝑑𝑎𝑑𝑎𝑢𝑛 𝑠𝑖𝑟𝑎-𝑛𝑖𝑎𝑛 𝑜𝑢 𝐻𝑎𝑑𝑖’𝑎 𝑆𝑖𝑑𝑎𝑑𝑎𝑢𝑛 𝑠𝑖𝑟𝑎-𝑛𝑖𝑎 𝑀𝑜𝑟𝑖𝑠 𝐷𝑖’𝑎𝑘”.
Iha diskursu S.E Primeiru-Ministru (PM), Sr. Kay Rala Xanana Gusmão, iha ámbitu diskusaun OJE tinan 2025 nian, sita mos importánsia rekursu bee, ho nune’e Governu prevé mos orsamentu ba programa bee, saneamentu no ijiene, ne’ebé foka liu ba dezevolvimentu no manutensaun infraestrutura sistema bee.
“𝑁𝑜 𝑏𝑎𝑖𝑛-ℎ𝑖𝑟𝑎 𝑖𝑡𝑎 𝑘𝑜’𝑎𝑙𝑖𝑎 𝑘𝑜𝑛𝑎-𝑏𝑎 𝑖𝑛𝑓𝑟𝑎𝑒𝑠𝑡𝑟𝑢𝑡𝑢𝑟𝑎𝑠, 𝑖𝑡𝑎 𝑙𝑎𝑏𝑒𝑙𝑒 ℎ𝑎𝑙𝑢ℎ𝑎 𝑖𝑚𝑝𝑜𝑟𝑡𝑎̂𝑛𝑐𝑖𝑎 𝑟𝑒𝑐𝑢𝑟𝑠𝑜𝑠 𝑏𝑒́ 𝑛𝑖𝑎𝑛, ℎ𝑜𝑑𝑖 ℎ𝑎𝑚𝑒𝑛𝑢𝑠 𝑟𝑖𝑠𝑐𝑜𝑠 𝑠𝑎𝑢́𝑑𝑒 𝑝𝑢́𝑏𝑙𝑖𝑐𝑎 𝑛𝑜 ℎ𝑜𝑑𝑖 𝑝𝑟𝑜𝑡𝑒𝑔𝑒 𝑎𝑚𝑏𝑖𝑒𝑛𝑡𝑒, 𝑙𝑖𝑢𝑙𝑖𝑢 𝑖ℎ𝑎 𝑐𝑒𝑛𝑡𝑟𝑜𝑠 𝑢𝑟𝑏𝑎𝑛𝑜𝑠 𝑛𝑒𝑏𝑒́ 𝑖ℎ𝑎 𝑝𝑜𝑝𝑢𝑙𝑎𝑠𝑎𝑢𝑛 𝑏𝑎𝑟𝑎𝑘. 𝑁𝑢𝑛𝑒’𝑒, 𝐺𝑜𝑣𝑒𝑟𝑛𝑜 𝑡𝑎𝑢 ℎ𝑒𝑙𝑎 𝑜𝑠𝑎𝑛 ℎ𝑜 𝑡𝑜𝑡𝑎𝑙 26 𝑚𝑖𝑙ℎ𝑜̃𝑒𝑠 𝑑𝑒 𝑑𝑜́𝑙𝑎𝑟𝑒𝑠 𝑏𝑎 𝑝𝑟𝑜𝑔𝑟𝑎𝑚𝑎𝑠 𝐵𝑒́, 𝑆𝑎𝑛𝑒𝑎𝑚𝑒𝑛𝑡𝑜 𝑛𝑜 𝐻𝑖𝑔𝑖𝑒𝑛𝑒, 𝑖ℎ𝑎 𝑚𝑢𝑛𝑖𝑐𝑖́𝑝𝑖𝑜𝑠 𝑏𝑎𝑙𝑢𝑛, ℎ𝑜𝑑𝑖 ℎ𝑎𝑟𝑒́ 𝑙𝑖𝑢 𝑏𝑎 𝑑𝑒𝑠𝑒𝑛𝑣𝑜𝑙𝑣𝑖𝑚𝑒𝑛𝑡𝑜 𝑛𝑜 𝑚𝑎𝑛𝑢𝑡𝑒𝑛𝑐̧𝑎̃𝑜 𝑖𝑛𝑓𝑟𝑎𝑒𝑠𝑡𝑟𝑢𝑡𝑢𝑟𝑎𝑠 𝐵𝑒́ 𝑛𝑖𝑎𝑛”.
Entretantu bazeia ba grella, diskusaun OJE tinan 2025, ba faze jeneralidade nian, hahú ohin no sei hala’o durante loron tolu, hafoin sei kontinua ba faze espesialidade nian.
Fahe ba Sosial Media:
