Díli, 18/10/2022, Prezidente Komisaun Ezekutiva (K.E) Bee Timor-Leste, Empreza Públika (BTL, E.P), Eng. Carlos Peloi dos Reis, partisipa palestra, nu’udár sai oradór, hodi ko’alia kona-bá bee no saneamentu ba estudante ezata sira, atividade ne’e hala’o iha salaun Auditóriu Fakuldade Siénsia no Exata UNTL, Balide.
Iha intervensaun ne’e, Prezidente Komisaun Ezekutiva BTL, E.P, partilla informasaun balun, relasiona ho servisu BTL, E.P nian durante ne’e, ba partisipante sira, mak dezenvolve setór bee no saneamentu ba komunidade sira, tamba bee moos liga ba direitus humanus, ho nune’e BTL, E.P kontinua halo esforsu hodi lori bee ba komunidade sira.
Líder maxímu ne’e afirma, iha pasadu governu ladun investe iha bee no saneamentu, tamba ne’e mak komunidade sira iha fatin-fatin, kontinua halerik ba bee moos, maibé hirak ne’e hotu, fanu BTL, E.P hodi halo servisu ho máximu liu tan.
Ho mandatu VIII governu konstitusionál, tau prioridade ka investe ba iha setór bee no saneamentu iha mudansa, tamba ne’e mak hahú hosi tinan rihun rua, rua nulu resin ualu (2018) to’o iha tinan rihun rua rua nulu resin rua (2022) promove ona projetu melloramentu sistema bee moos no projetu konstrusaun sistema bee moos iha territóriu nasionál, atus ida sia nulu resin (190 resin).
Iha esforsu seluk mak governu negosia ho parseiru dezenvolvimentu sira, hanesan Banku Mundiál no ADB, atu mellora sistema iha kapitál munisípiu sira, inklui munisípiu Díli.
Alende ne’e, governu Timor-Leste ho Millennium Challenge Coorporation (MCC) asina ona akordu ida, hodi fó apoia orsamentu dollár Amerikanu millaun 420 ho gratuita no governu Timor-Leste sei investe millaun 64, hosi apoia ne’e, governu sei investe millaun 380 ba BTL, E.P, hodi dezelvolve setór saneamentu no drenajen iha Díli.
Prezidente K.E BTL, E.P mos iha oportunidade ne’e, apela ba estudante sira katak, persiza estuda makaas, nune’e prepara aan ba futuru, kontinua servisu hodi dezenvolve Timor-Leste.
Fahe ba Sosial Media:
