Díli, 12/09/2022. Prezidente Komisaun Ezekutiva BTL, E.P, Eng. Carlos Peloi dos Reis, simu vizita husi ekipa autoridade lokál, Igreja, no mós intelektuál husi Suku Leorema, hodi relata komunidade sira suku leorema nia preokupasaun kona-bá bee moos, enkontru ne’e rasik hala’o iha Prezidente K.E BTL, E.P nia knaar fatin, Caicoli.
Xefe Suku haktuir katak iha oportunidade ne’e, sira mai hasoru Prezidente K.E BTL, E.P hodi bele ko’alia kona-ba bee moos, atu oferese ba komunidade iha Suku Leorema, ne’ebé durante ne’e difisíl asesu ba bee moos, nune’e BTL, E.P bele konsidera kestaun ida ne’e.
Xefe Suku Leorema informa, komunidade husi suku Leorema barak tebes, tamba ne’e, ha’u bele dehan komunidade sira, ne’ebé asesu bee moos ne’e, kuaze rihun rua, maibé populasaun sira seluk, seidauk asesu bee moos.
Suku Leorema iha aldeia sanulu, ne'ebé Aldeia rua mak asesu bee moos ho di'ak, enkuantu Aldeia ualu, mak seidauk asesu bee moos.
Iha enkontru ne’e, Prezidente Komisaun Ezekutiva BTL, E.P, fo resposta pozitivu, tamba ne’e ekipa husi Leorema agradese ba BTL, E.P.
Prezidente K.E BTL, E.P iha tempu badak sei orienta enjeñeiru BTL, E.P. hodi bele ba observa bee matan no halo levantamentu ba bee matan sira iha Leorema, ne’ebé identifikadu ona husi autoridade lokál sira.
Fahe ba Sosial Media:
