Díli, 04/10/2022, Prezidente K.E BTL, E.P, Eng. Carlos Peloi dos Reis, hala’o enkontru ho S.E Primeiru Ministru, Taur matan Ruak, iha palasiu governu.
Hafoin enkontru Prezidente K.E BTL, E.P hatete, objetivu hasoru S.E Primeiru Ministru, hodi relata progresu servisu durante ne’e, nune’e S.E Primeiru Ministru mos bele akompaña servisu BTL, E.P nian rasik.
Iha sorumutu ne’e, Primeiru ministru, fó orientasaun katak, persija aselera servisu bee no saneamentu, hodi lori bee ba komunidade sira, iha territóriu tomak, alende ne’e, tau prioridade mos ba Munisípiu Díli, oinsa bele mellora sistema bee, hodi lori bee ba komunidade sira.
Primeiru Ministru fo hanoin ba Prezidente K.E BTL, E.P, persija halo melloramentu ba sistema bee moos iha Díli, nune’e bele garante nafatin distribuisaun bee ba komunidade sira, ne’ebé dadaun ne’e seidauk konsege asesu bee.
Xefe governu mos observa ba servisu BTL, E.P nian durante ne’e, servisu ho maxímu, tamba ne’e kontinua esforsu, hodi aselera liu tan, nune’e komunidade sira labele halerik hela de’it ba bee moos.
Ho parseiru dezenvolvimentu sira nia apoia ba investimentu projetu foun sira, iha área Urbana, Rural, liu-liu iha kapitál díli, no mos kapitál munisípiu sira seluk, persija implementa ho di’ak.
Iha biban ne’e, Primeiru Ministru, orienta atu servisu iha liña kordenasaun di’ak ho parseiru dezenvolvimentu sira, nune’e iha prosesu implementasaun projetu iha futuru, labele enfrenta problema hanesan, halo sasan dobru iha fatin ida, tamba ne’e mak halo esforsu para ida labele kee ida labele taka, maibé avansa ho planu servisu integradu, mak servisu sei la’o organizadu.
Fahe ba Sosial Media:
