𝐃𝐢́𝐥𝐢, 𝐓𝐞𝐫𝐬𝐚-𝐟𝐞𝐢𝐫𝐚 𝟎𝟖 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz ho Vise-Prezidente KE BTL, E.P ba Asuntu Tékniku, José Filipe Ximenes Smith enkontru ho Sekretáriu Estadu Eletrisidade, Bee no Saneamentu (SEEAS, sigla portugés), Santos Noronha ho ekipa, iha Gabinete SEEAS, Caicoli.
Reuniaun ohin, hodi informa kona-bá despaixu delegasaun kompeténsia hosi Ministru Obras Públikas (MOP), Samuel Marçal ba Sekretáriu Estadu Eletrisidade, Bee no Saneamentu, Santos Noronha, nudár instrumentu legál no administrativu ne’ebé fó poder ba SEEAS, atu jere, foti desizaun no ezekuta polítika iha setór bee no saneamentu, nune’e servisu BTL, E.P nian sei superintendénsia direta hosi SEEAS.
Antes ne’e, bazeia ba baze legál ne’ebé eziste, BTL, E.P superintendénsia hosi MOP, maibé ho delegasaun kompeténsia hosi MOP ba SEEAS, tama ona iha vigór, hahú ohin, loron 8 fulan setembru tinan 2026, BTL, E.P sei tutela direta ba iha SEEAS.
Ho delegasaun kompeténsia ne’e, ohin, SEEAS konvoka reuniaun ho Ezekutivu BTL, E.P nian, alen de hodi informa kona-bá despaixu referidu, enkontru ne’e mos hodi hetan/simu orientasaun polítika no orientasaun servisu sira hosi SEEAS.
Fahe ba Sosial Media:
