𝐃𝐢́𝐥𝐢, 𝟐𝟓 𝐌𝐚𝐫𝐬𝐮 𝟐𝟎𝟐𝟔. Prezidente Komisaun Ezekutiva (KE) BTL, E.P, Gustavo da Cruz enkontru ho Diretór DOM, Diretór DAF, Jestór Distribuisaun, Jestór DAK no Ofisiál Legál, iha sala reuniaun Ezekutiva BTL, E.P, Caicoli.
Reunaiun ne’e, Prezidente KE BTL, E.P fó orientasaun servisu ba kargu xefia, atu halo intervensaun rápida ba área hirak ne’ebé iha hela faze melloramentu sistema kanalizasaun nian, liu-liu iha área Taibessi MyFriend no Becusse Centro.
Alende ne’e, atu orienta mos tékniku sira, hodi aselera servisu kanalizasaun bee ba konsumidór sira ne’ebé mak halo ona pagamentu ba ligasaun foun nian, nune’e bele reduz lamentasaun hosi komunidade sira.
Nune'e mos orientasaun hosi Prezidente ba Diretór DOM & DAF atu kontinua halo formatura dader-dader ba funsionáriu DOM & DAK nian, hodi nafatin enkoraza ekipa atu disiplina iha servisu fatin, hodi hametin intituisaun ba implementasaun programa sira.
Perante enkontru ne’e, Diretór no Jestór sira anota no prontu atu ezekuta servisu, tuir orientasaun hosi Ezekutivu.
Daudaun ne’e, ekipa DAK iha hela terrenu hodi halo atendimentu ba kliente sira ne’ebé rejista no halo pagamentu ba ligasaun foun nian iha Taibessi MyFriend. Enkuantu tékniku O&M halo hela servisu melloramentu hodi instala tan liña distribuisaun foun, iha aldeia Becusse Centro, suku Becora.
Fahe ba Sosial Media:
