info@btl.tl 3311539

Prezidente BTL, E.P Halo Abertura ba Formasaun Primeiru Sokorru iha CVTL

๐ƒ๐ขฬ๐ฅ๐ข, ๐’๐ž๐ ๐ฎ๐ง๐๐š-๐Ÿ๐ž๐ข๐ซ๐š ๐Ÿ๐Ÿ” ๐๐จ๐ฏ๐ž๐ฆ๐›๐ซ๐ฎ ๐Ÿ๐ŸŽ๐Ÿ๐Ÿ”
 
Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, akompaña hosi Vise-Prezidente KE BTL, E.P ba Asuntu Korporativu, Manuel Tomás Amaral de Carvalho hamutuk ho Cruz Vermelha Timor-Leste (CVTL) halo abertura ba formasaun Primeiru Sokorru (๐น๐‘–๐‘Ÿ๐‘ ๐‘ก ๐ด๐‘–๐‘‘) ne’ebé realiza iha edifísiu CVTL, Bairo Formosa, Díli.
 
Molok halo abertura ba formasaun ne’e, Prezidente KE BTL, E.P hato’o agradesimentu kle’an ba CVTL tanba bele simu pedidu hosi BTL, E.P, hodi fó treinamentu ba funsionáriu BTL, E.P nian hamutuk nain 20, kompostu hosi tékniku operadór, motorista nomos leitór metru kontadór nian, ne’ebé durante ne’e halo servisu fíziku iha terrenu.
 
Ezekutivu BTL, E.P akresenta, maioria servisu fíziku iha terrenu ariska tebes ba tékniku sira-nia vida, alen de kestaun saúde, servisu balun ne’ebé utiliza materiál kro’at sira, nune’e bele afeta ba sira nia vida nomos ema seluk ne’ebé besik iha lokál servisu nian. Ho nune’e ohin oportunidade di’ak, liuhosi kooperasaun servisu entre BTL, E.P ho CVTL ne’e, hodi bele partilla koñesimentu báziku kona-bá salva vida nian, nune’e wainhira iha asidente ou insidente ruma iha terrenu, sira iha ona koñesimentu naton oinsá atu bele halo asaun urjénsia hodi salva ema vida iha momentu servisu, família nomos sosiedade nia leet.
 
Iha okaziaun ne’e, Ezekutivu solisita ba tékniku sira atu kumpri regras treinamentu nian, durante loron haat nomos foku ba formasaun refere to’o remata, nune’e bele sai fila-fali matadalan ba funsionáriu sira seluk ne’ebé seidauk tuir formasaun.
 
Vise-Prezidente KE BTL, E.P ba Asuntu Korporativu, agradese ba oportunidade ohin nian, tanba liuhosi formasaun ida ne’e oinsá bele profisionaliza di’ak liu tan no dezenvolve kapasidade tékniku sira nian, nune’e matenek no koñesimentu ne’ebé hetan iha formasaun ne’e bele lori fila no aplika iha idak-idak nia fatin. Tanba ne’e, husu atu tékniku sira tenke fó atensaun máximu, disiplina no rona ho di’ak, nune’e bele entende materiá hotu-hotu ne’ebé formadór sira sei fahe.
 
๐‘ƒ๐‘Ÿ๐‘œ๐‘”๐‘Ÿ๐‘Ž๐‘š๐‘š๐‘’ ๐‘€๐‘Ž๐‘›๐‘Ž๐‘”๐‘’๐‘Ÿ CVTL agradese ba BTL, E.P tanba bele fó konfiansa ba CVTL hodi fó treinamentu no nudár timor oan bele apoiu hodi fahe koñesimentu báziku primeiru sokorru nomos CPR nian ba funsionáriu BTL, E.P. Treinamentu ida ne’e, la’os atu ko’alia kona-bá troka ekipamentu, maibé kona-bá ema nia vida, tanba ne’e tenke partisipa ho di’ak no máximu, fó tempu hodi prátika no husu wainhira seidauk entende, nune’e labele fila-fali ho dúvida.
 
Funsionáriu BTL, E.P nian ne’ebé partisipa iha formasaun ne’e hamutuk nain 20, kompostu hosi tékniku operadór hosi Díli no Munisípiu sira, Motorista nomos Tékniku Produsaun inklui Leitór metru kontadór nian. Entretantu treinamentu ne’e sei hala’o durante loron haat no sei foku liu ba ๐น๐‘–๐‘Ÿ๐‘ ๐‘ก ๐ด๐‘–๐‘‘ ๐ถ๐‘œ๐‘ข๐‘Ÿ๐‘ ๐‘’ no ๐ต๐‘Ž๐‘ ๐‘–๐‘ ๐ฟ๐‘–๐‘“๐‘’ ๐‘†๐‘ข๐‘๐‘๐‘œ๐‘Ÿ๐‘ก ๐‘‡๐‘Ÿ๐‘Ž๐‘–๐‘›๐‘–๐‘›๐‘” ๐ถ๐‘œ๐‘ข๐‘Ÿ๐‘ ๐‘’ inklui ๐ถ๐‘ƒ๐‘….


Fahe ba Sosial Media: