𝐃𝐢́𝐥𝐢, 𝐊𝐮𝐚𝐫𝐭𝐚-𝐟𝐞𝐢𝐫𝐚 𝟏𝟏 𝐍𝐨𝐯𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva Bee Timor-Leste, Empreza Públika (BTL, E.P), Gustavo da Cruz enkontru ho Konsultór PN-BESI-TL, Valentim da Costa Pinto iha Prezidente nia knaar fatin BTL, E.P, Caicoli.
Enkontru ne’e hodi halo konsultasaun ho BTL, E.P atu bele rona ideia ou sujestaun, ligadu ho preparasaun 𝑝𝑜𝑙𝑖𝑐𝑦 𝑝𝑎𝑝𝑒𝑟 relativamente ba Dekretu Lei Nú.4/2004 ne’ebé ko’alia kona-bá Rejime Fornesimentu Bee ba Konsumu Públiku. Konsultasaun ne’e, atu kobre hanoin sira hosi entidade sira ne’ebé hala’o knaar iha setór bee no saneamentu nian, hodi ajusta hamutuk nune’e bele elabora proposta ho di’ak.
Tanba tuir PN-BESI-TL katak, artigu sira ne’ebé hakerek iha Dekretu Lei Nú.4/2004 ne’e liu ona dékada rua no artigu balun laiha relevánsia ona ho situasaun atuál nian, tanba ne’e PN-BESI-TL esforsu prepara hela proposta no sei submete ba Governu liu-liu Ministériu Obras Públikas (MOP) no instituisaun relevante sira, hodi haree hamutuk nia kontinuasaun ba futuru esensialmente kona-bá asesu bee moos ba uma kain idak-idak, nune’e bele ajusta ho di’ak tuir nesesidade rekursu sira, nomos tenke asegura katak ema hotu-hotu bele asesu ba bee moos, maibé tenke aliña ho lei sira ne’ebé bele proteje konsumidór sira-nia nesesidade.
Prepasaun 𝑝𝑜𝑙𝑖𝑐𝑦 𝑝𝑎𝑝𝑒𝑟 refere hodi submete ba MOP, atu nune’e wainhira Governu halo duni esbosu ba alterasaun Dekretu Lei no Nú.4/2004 ne’e, bele ajusta mos situasaun atuál nomos projesaun ba futuru.
Fahe ba Sosial Media: