Covalima, 10/07/2025, S.E Primeiru-Ministru, Kay Rala Xanana Gusmão, Ministru Obras Públikas, Samuel Marçal, Membru Governu, Membru Parlamentu Nasional, Prezidente Komisaun Ezekutiva, Bee Timor-Leste, Empreza Públika (BTL, E.P), Gustavo da Cruz, Vise-Prezidente KE BTL, E.P, ba Asuntu Tékniku, José Filipe Ximenes Smith, Vise-Prezidente KE BTL, E.P, ba Asuntu Korporativu, Manuel Tomás Amaral de Carvalho ho komitiva inaugura projetu fornesimentu bee-moos ba Komunidade, iha Postu Administrativu Fohorem, Munisípiu Kovalima.
Iha diskursu, Xefe Governu hatete, momentu importante ida ne'e senti kontente tebes-tebes, tamba bele hakat mai fatin ida ne'e, hodi hasoru malu ho populasaun sira.
“Ohin ita inaugura tiha fornesimentu bee-moos hanesan parte ida ami lori ona imi nia halerik sira hanesan presiza klínika, eskola maske ita iha estrada di’ak hanesan de’it”.
Ho nune’e, hanesan xefe Governu rona hela preokupasaun komunidade sira, ne’ebé mak administradór postu Fohorem, aprezenta ba governu sentrál, kona-ba infraestrutura bàziku, hodi responde ba komunidade sira nia halerik.
Iha fatin hanesan, prezidente BTL, E.P, Gustavo da Cruz informa, Prosesu fornesimentu bee-moos ba komunidade Fohorem ne’e, fahe ba pakote kanalizasaun no pakote no instalasaun tanke rezervatòriu.
“ Projetu kanalizasaun no instalasaun tanke ita gasta osan rihun 700-resin bele fornese bee-moos ba uma kain 200-resin ho total populasaun rihun 2-resin iha postu administrativu Fohorem ,munisìpiu Covalima.
Governu iha kompromitidu bazeia ba ita-nia planu estratéjia dezenvolvimentu nasionàl iha kapitál postu administrativu 51 ne’ebé iha prioridade, BTL, E.P iha faze implementasaun projetu iha kapitàl munisìpiu sira, ne’ebé dadaun ne’e finaliza ona iha postu administrativu hitu, hodi hakat ba prosesu inaugurasaun. Governu nia esforsu hahù liberta povu husi kiak no mukit atu asesu bee-moos iha postu administrativu sira.
Partisipa iha serimónia inaugurasaun ne'e, Sekretáriu Estadu Asuntu Toponímia no Organizasaun Urbana, Sekretáriu Estadu Dezenvolvimentu Lokál, PAM, Administradór Postu Administrativu Fohorem, Veteranu, Amo Paróku, Autoridade Lokál no Komunidade sira.
Fahe ba Sosial Media:
