.jpeg)
.jpeg)
.jpeg)
Aileu,30/01/2026.Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith akompana hosi Diretór O&M, Aleixo dos Santos, Jestór DAK no Ofisiál Legál ho ekipa BTL, E.P, ne’ebe destakadu iha Munisipiu Aileu halo atividade sosializasaun kona-ba Dekretu Lei no Diploma Ministeriál, ba abitante sira iha,suku Liurai,Postu-Administrativu Aileu Vila ,Munisípiu Aileu.Sesta seman ne’e.
Iha atividade sosializasaun ne’e, BTL, E.P partilla detalla informasaun ba abitante sira, ligadu ba regulamentu ne’ebé abrigu iha Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária”no ikus liu Diploma Ministeriál nú.1/2009 loron 5 fulan Outubru, kona-bá “Fiskalizasaun Sistema Abastesimentu Bee”.hodi nune’e abitante sira bele entende didi’ak regras BTL, E.P nian, liu-liu kona-bá oinsá atu selu tarifa bee, proibisaun ba koneksaun ilegál, labele estraga fasilidade públika nomos oinsá atu halo ligasaun foun.
Realizasaun atividade sosializasaun ne’e, hodi partilla uluk informasaun ba komunidade sira, molok aplika selu tarifa bee,atu nune'e sira bele kompriende no kolabora oinsá atu kontribui selu taxa bee mensalmente nomos oinsá atu bele tau matan ba fasilidade bee ne'e rasik.
Durante iha atividade sosializasaun ne’e, komunidade sira apresia nomos hato’o sira-nia preokupasaun kona-bá problema bee moos, inklui rekomendasaun, nune'e parte BTL, E.P anota no sei halo intervensaun, nune’e hodi responde ba kestaun hirak ne’e.
Partisipa iha atividade sosializasaun ne'e, Prezidente Autoridade Munisipiu Aileu Administradór Postu-Adminitrativu Aileu Vila Reprezentante PNTL Aileu no Lideransa komunitária inklui komunidade sira.
Fahe ba Sosial Media:
.jpg)
