Viqueque ,25 Juñu 2026 - Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith ho Vise-Prezidente KE BTL, E.P ba Asuntu Korporativu, Manuel Tomas Amaral de Carvalho hamutuk ho Diretór DOM, Aleixo dos Santos, Jestór DAK no Ofisiál Legál, akompaña hosi Koordenadór BTL, .E.P Munisípiu Viqueque,halo atividade sosializasaun kona-ba Dekretu Lei no Diploma Ministeriál, ba abitante sira iha,postu-administrativu,Lacluta munisípiu Viqueque kinta seman ne’e.
Iha atividade sosializasaun ne’e, BTL, E.P partilla detalla informasaun ba konsumidór sira, ligadu ba regulamentu ne’ebé abrigu iha Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku” nune’e mós Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária”no ikus liu Diploma Ministeriál nú.1/2009 loron 5 fulan Outubru, kona-bá “Fiskalizasaun Sistema Abastesimentu Bee”.hodi nune’e abitante sira bele entende didi’ak regras BTL, E.P nian, liu-liu kona-bá oinsá atu selu tarifa bee, proibisaun ba koneksaun ilegál, labele estraga fasilidade públika nomos oinsá atu halo ligasaun foun.
Objetivu realizasaun atividade diseminasaun ne’e, hodi partilla uluk informasaun detalla ba konsumidór sira, ligadu ho aplikasaun tarifa bee fulan-fulan nian no mekanizmu oinsá atu selu tarifa bee inklui kustu bee ne’ebé kliente sira sei selu kada fulan.
Tuir planu iha fulan oin ekipa apoiu kliente hamutuk ho ekipa tékniku operadór BTL,E.P ne’ebe destakadu iha postu ne’e sei hahu halo atividade lee metru kontadór ba konsumidór sira ne’ebe uza sistema beemos iha postu refere hodi selu tarifa bee,hodi kontribui reseitas ba estadu tanba ne'e husu ba komunidade sira atu kopera ho parte BTL,
Iha okaziaun ne’e Vise-Prezidente KE BTL, E.P ba Asuntu Tékniku husu ba autoridade lokal no polisia komunitaria hamutuk ho komunidade sira,husu atu apoiu ekipa tékniku BTL,EP wanhira halo melloramentu sistema bee iha postu ne’e no mos husu atu kopera nafatin ho parte BTL,E.P hodi kontinua kontrola fasilidades ne’ebe governu investe ona iha postu ne’e hodi nune fasilidade sira ne’e bele uza ba tempu naruk.
Alen de ne’e Vise-Prezidente (KE) BTL, E.P ba Asuntu Korporativu mós informa iha tempu badak ekipa tékniku BTL.E.P sei tun hodi desliga kanu ezistente ne’e hodi desmantela total kanu tuan sira ne’e,hodi halo melloramentu sistema beemos foun ba komunidade sira iha postu administrativu Lakluta,no kontinua husu ba komunidade sira labele uza sanyo hodi dada bee tanba fo impaktu ba komunidade sira seluk la asesu bee ho diak.
Durante iha atividade sosializasaun ne’e, lideransa suku no komunidade sira hato’o sira-nia preokupasaun kona-bá falta bee moos, rekomendasaun no susjestaun balun, ba BTL, E.P no BTL,E.P anota no sei haree oinsá bele halo intervensaun, hodi responde ba kestaun hirak ne’e.
Partisipa iha atividade sosializasaun ne'e,reprezentante administradór postu-adminitrativu Lacluta no lideransa komunitária veteranos no veterana inklui komunidade sira iha postu refere.
Enkuantu tuir dadus BTL,E.P komunidade iha suku Dilor postu administrativu Lcluta mak sei hetan beemos husi melloramentu sistema kanalizasaun foun ho total uma kain 540 no populasaun 4.860.
Fahe ba Sosial Media:
