Ermera,05/03/2026.Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith akompana hosi Diretór Operasaun no Manutensaun (DOM) Aleixo dos Santos, Jestór DAK no Ofisiál Legál ho Kordenadór ho ekipa BTL, E.P, ne’ebe destakadu iha Munisipiu Ermera halo atividade sosializasaun kona-ba Dekretu Lei no Diploma Ministeriál, ba abitante sira iha,Postu-Administrativu Atsabe ,Munisípiu Ermera Kinta seman ne’e.
Iha atividade sosializasaun ne’e, BTL, E.P partilla detalla informasaun ba konsumidór sira, ligadu ba regulamentu ne’ebé abrigu iha Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku” nune’e mós Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária”no ikus liu Diploma Ministeriál nú.1/2009 loron 5 fulan Outubru, kona-bá “Fiskalizasaun Sistema Abastesimentu Bee”.hodi nune’e abitante sira bele entende didi’ak regras BTL, E.P nian, liu-liu kona-bá oinsá atu selu tarifa bee, proibisaun ba koneksaun ilegál, labele estraga fasilidade públika nomos oinsá atu halo ligasaun foun.
Objetivu Ekipa BTL,E.P halo atividade sosializasaun ne’e, atu bele partilla uluk informasaun ba konsumidór sira, molok aplika selu tarifa bee,hodi nune'e sira bele kompriende no kolabora hodi kontribui selu taxa bee nomos oinsá atu bele tau matan ba fasilidade bee ne'e rasik.
Tuir planu iha fulan oin Ekipa apoiu kliente hamutuk ho Ekipa Tékniku Operadór BTL,E.P ne’ebe destakadu iha Postu ne’e sei hahu halo atividade lee metru kontadór ba konsumidór sira ne’ebe uza sistema beemos iha Postu refere hodi selu tarifa bee,hodi kontribui reseitas ba estadu.
Durante iha atividade sosializasaun ne’e, konsumidor sira apresia nomos hato’o sira-nia preokupasaun kona-bá problema bee moos, inklui rekomendasaun,no iha oportunidade ne'e parte BTL, E.P halo kedas intervensaun,no fó resposta hodi responde preokupasaun,hirak ne’e.
Iha okaziaun ne’e Vise-Prezidente (KE) BTL, E.P ba Asuntu Korporativu hato’o apresiasaun ba Autoridade Lokal no komunidade iha PA Atsabe nia kontribuisaun tanba bele kopera ho ekipa BTL,E.P ho kompanha rua ne’ebe durante ne’e halo projetu instalasaun bemos iha postu refere finaliza ho diak.
Tanba husu nafatin ba Autoridade Lokal no Polisia Komunitaria hamutuk ho komunidade sira iha PA Atsabe atu kontinua kopera no apoiu Ekipa BTL.E.P iha Postu Atsabe hodi nune atividade sira bele lao ho diak.
Projetu sistema beemos iha Postu Administrativu Atsabe ne’e BTL,E.P fó fiar ba Kompanha rua ne'ebe manan liu husi konkursu publiku,kompanha rua ne'e mak Tersanjung Unipesoal Lda. nia servisu mak halo konstroi Tanke distribuisaun Rezervatóriu no Kompanha Fortuna Estar Unipesoal Lda.nia servisu halo instalasaun kanu distribuisaun no monta mós metru kontadór ba konsumidór sira iha suku hat ba uma kain hamutuk 552 ho total populasaun 3.312. iha postu refere.
Partisipa iha atividade sosializasaun ne'e,Administradór Postu-Adminitrativu Atsabe Reprezentante PNTL Eskuadra Postu-Administrativu Atsabe no Lideransa komunitária Veteranos no Veterana inklui komunidade sira.
Fahe ba Sosial Media:
