Díli, 15/08/2022, Ministru Obras Públikas (MOP), S.E Eng. Abel Pires da Silva, akompaña hosi I Vise-Prezidente Komisaun Ezekutiva BTL, E.P, Sr. Gustavo da Cruz no Prezidente ANAS, I.P ho ekipa simu vizita kortezia hosi Xefe Divizaun Ázia Pasífiku Banku Investimentu Uniaun Europeia nian, Konsultór COWI Program Director EIB, PPIP Team Leader, Deputy Team Leader PPIP-EIB ne’ebé akompaña hosi ekipa Ministériu Planu no Ordenamentu (MPO), no kontinua hala’o enkontru, iha salaun enkontru iha gabinete Ministériu Obras Públikas (MOP), edifísiu sentrál MOP Caicoli.
Eknkontru ne’e ho objetivu mak delegasaun sira ne’e mai aprezenta ou introduz de’it sira nia misaun ba S.E Sr. Ministru MOP kona-bá apoiu ne’ebé mak Uniaun Europeia fó nomos liga ho investimentu ne’ebé mak Banku Investimentu Uniaun Europeia nian hakarak atu halo investimentu iha setór bee no saneamentu, maibé faze ida ne’e sei haree, tamba asuntu ne’e, sei lori ba Steearing Committee ne’ebé S.E Sr. I Vise-Primeiru-Ministru mak lidera, hodi haree no toma medidas kona-bá asuntu refere.
Alende ne’e, ekipa refere mai hodi haree kona-bá estudu pré-viabilidade no viabilidade ba estudu hirak ne’ebé mak BTL, E.P inisia ona, ba munisípiu sira seluk ne’ebé mak master plan kuaze atu prontu ona nomos asuntu sira seluk ne’ebé kona-bá basia retensaun nomos oinsá atu halo barajen sira iha Timor-Leste (TL).
Fahe ba Sosial Media:
