Lautem,16/03/2026, Vise-Prezidente KE BTL, E.P ba Asuntu Korporativu, Manuel Tomas Amaral de Carvalho, akompaña husi Jestór Insfreastutura BTL.EP, ho ekipa tekniku sira, hodi akompaña Vise Ministro para As Insfreastutura, Sr. Julio do Carmo, hala’o Fiskalizasaun ba implementasaun projetu sistema be mós ne’ebe durante ne’e, kompanha Ilie Chao Unip.Lda implementa iha postu administrativu Luro, munisipiu Lautem maibe to’o agora seidauk finaliza.
Tuir kontratu no akardu ne’ebe asina entre BTL,EP ho kompania Ilie Chao Unipesoal Lda, katak kompania implementa projetu melloramentu Sistema Beemos inklui halo mós Tanki BPT 6m³ hamutuk unidade hat, no 20m³ unidade ida, iha Intake Mafuro, hodi fornese be ba komunidade Postu-Administrativu Luro.
To’o ohin loron kompania konsege halo ona tanki hat no kontinua hala’o mós sistema kanalizasaun bemos ba komunidade sira nia rezidensia, no monta ona metru kontadór hamutuk unidade 242, iha area suku tolu postu Administrativu Luro nian.
Objetivu Konselhu Ezekutivu BTL,E.P akompaña Vice Ministro para As Insfreastutura hala’o Fiskalizasaun ba projetu melloramentu sistema beemos iha postu refere, atu hare no hatene kona-ba progresu fiziku husi implementasaun projetu ne’e bele garante nia kualidade ga lae? No buka rona kompania sira nia dezafiu ne'ebe sira infrenta iha fatin serbisu.
Durante Fiskalizasaun iha posto Luro, Vice-Prezidente asuntu Korporativu hato’o ba kompania implementadór atu kontinua halo servisu no kria mós lina kordenasaun ho ekipa tekniku BTL.E.P ne’ebe destakadu iha postu refere, atu nune ezekusaun sira tenki bazeia ba regra, liu-liu kompania tenki aposta ba dezeinu ho BoQ ne'ebe iha, nune’e bele ajuda wainhira parte Tekniku BTL,E.P verifika, no sura nia progresu serbisu fiziku ne'ebe iha, antes projetu ne'e tama final ka 100%.
Iha fatin hanesan Vice-Ministru para As Insfreastutura fó hanoin ba Superior BTL,E.P hodi extende tan tempu ba fulan ba kompania, hodi nune'e kompania bele iha biban konklui projetu ne’e.
Vice Ministru salienta tan katak, nia lakohi rona tan kompania Ilie Chao hato'o bei-beik reklamasaun liga ho projetu ne'e, diak liu ko'ordenado servisu ho Tekniku BTL.EP, nune'e servisu refere bele konklui ita tempu badak.
Tuir observasaun husi tekniku BTL,E.P projetu melloramentu sistema bemos iha fatin refere hahu implementa iha loron 12 Fulan Maio tinan 2022, dadaun ne’e atinji ona pursentu 90%, hela pursentu 10 % hodi konklui 100%, tanba ne’e parte BTL,E.P fó tan tempu fulan ida ba kompania Ilie Chao atu bele konklui, nune’e komunidade sira iha posto Luro bele asesu ona ba bee mos.
Fahe ba Sosial Media:
