Ermera, 14/02/2025, Vise-Prezidente Komisaun Ezekutiva Bee Timor-Leste, Empreza Públika, ba Asuntu Tékniku, Sr. José Filipe Ximenes Smith, Vise-Prezidente Komisaun Ezekutiva Bee Timor-Leste, Empreza Públika, ba Asuntu Korporativu, Sr. Manuel Tomás Amaral de Carvalho, akompaña Diretór Diresaun Engiñaria no Investimentu, Jestór Infraestrutura, Engiñeiru, Kordenadór Munisípiu Ermera ho ekipa, hala’o sosilizasaun informasaun ba autoridade lokál no komunidade sira, iha Postu Administrativu Hatolia A.
Komisaun Ezekutiva Bee Timor-Leste, Empreza Públika, ba Asuntu Tékniku, Sr. José Filipe Ximenes Smith hatete, autoridade lokál no komunidade sira, hamrik iha liña oin, tamba ne’e iha responsabilidade atu halo akompañamentu ba prosesu konstrusaun fizíku bele la’o ho di’ak.
Ezekutivu ne’e husu ba partipante sira, atu tranzmite informasaun ba populasaun hirak, ne’ebé la marka prejensa, nune’e sira mos bele iha koñesimentu kona-bá projetu melloramentu sistema bee moos ida ne’e.
Bee Timor-Leste, Empreza Públika nia misaun maka atu konstrui bee mai iha postu hatolia A, hodi fasilita ba komunidade sira, ne’ebé durante asesu bee la’o ho distánsia dook maka foin kuru bee, ne’e parte ida hodi muda povu nia moris.
Vise-Prezidente Komisaun Ezekutiva Bee Timor-Leste, Empreza Públika, ba Asuntu Korporativu, Sr. Manuel Tomás Amaral de Carvalho informa, iha tempu badak Bee Timor-Leste, Empreza Públika sei lansa projetu melloramentu sistema bee moos, hodi fornese mai populasaun sira, ne’ebé hela iha postu administrativu hatolia A.
Vise-Prezidente Komisaun Ezekutiva Bee Timor-Leste, Empreza Públika, ba Asuntu Korporativu afirma, projetu mellomentu sistema bee moos ida ne’e, wainhira finaliza sei benefisa ba família uma kain hamutuk 469 ho nia populasaun 2814, ne’e kompostu hosi suku tolu, ne’ebé pertense ba postu hatolia A.
Fahe ba Sosial Media:
